TEMPO DE ... COGOMELOS

Chegou o tempo dos cogomelos, chouparros, pan de raposo, pan de sapo ou pan de cobra, según cada quén.

Esta fin de Semana estivemos en Portaventosa - Lira - Carnota - A Coruña

Onde poidemos facer unha das moitas actividades, que realizan. 

Sair O Monte!!!

 E..... 

 Atopar ...

Cogomelos,  Chouparros, Pan de raposo,

 E logo da recollida... a clasificación


 


  

  Posta 
            en 
                    común

OBRADOIRO de Marmelada

Cogomelos e Cebola

E coma sempre, hai que probalos... Neste caso 

MARMELADA DE COGOMELOS CON CEBOLA

Boisima!!!

Marmelada de Cogomelos e cebola - Meigamoura

Torta Luxuria Diabética

Que mellor agasallo que poder convidar ás tuas amizades con Marmelada Meigamoura no día do teu aniversario.

Alicia enviounos a sua Torta Luxuria Diabética, feita con moito amor e coa nosa marmelada de Licor Café.

Mírade que que boa pinta ten, é moito mellor saberá...

Torta Luxuria Diabética 

Parabéns Alicia, no día do teu aniversario

A tarta de queixo de Silvia

 Xa fai tempo que non publicamos na sección "A vosa Cociña".
 Non tiñamos fotos das vosas recetas con marmelada Meigamoura.
 Pero onte, chegóunos esta imaxe...

Mirade qué boa pinta ten esta tarta de queixo feita pola nosa clienta Silvia. Ela contóunoss que non quedóu nin a proba. Normal. Quén pode resistirse a unha torta de queixo caseira feita con marmelada Meigamoura de amorododo?.
Grazas por compartila con nós.

CHEESE CAKE

POLO O FORNO CON SALSA DE MOSTARDA E MARMELADA DE SIDRA

Ingredientes:  1 Polo, 2 Cebolas (A horta da Almazara) , 300 gr de patacas novas (Horta do sacho), 200 ml de viño branco lexitimo de Betanzos, 2 cullaradas de mostarda, 50 ml de aceite de oliva virxen (Vieiru), pementa (Orballo) e sal, marmelada de sidra Meigamoura.

Elaboración: Trocear o polo, lavalo e caslo con papel absorbente. Pelar as cebolas e cortalas en aros. Quentar o aceite nunha cacerola e refogalas sin que collan cor.

Engadir os anacos de polo, doralos.

Cun cepillo, lavar moi ben as patacas e secalas con papel absorvente. Poñer as patacas, as cebolas e o polo nunha bandexa do forno e salpimentar. Regar todo co aceite restante.

Cocer o forno precalentado 180º durante 20 minutos. 

Retirar o polo e as patacas da bandexa, quitar a grasa e desglasar a bandexa viño branco lexitimo de Betanzos, rascando o fondo para recuperar os xugos.

Deixar que reduzan a mitade. Poñer a preve nun cazo, engardir a mostarda, remexer e darlle un fervor. Servir o polo coas patacas, as cebolas.

Nunhas cuncas votar a salda de mostarda e a marmelada de sidra Meigamoura.

E, bo proveito!

PEITUGA DE PAVO

Preparándonos de cara a primavera ......



Ingredientes:  3 Peitugas de pavo, 250gr de cardo cocido, 250 gr de uvas brancas, 1 benxamín de cava, 600ml de caldo de polo, 6 culleradas de aceite de oliva, 3 culleradas de preve de soia, 4 chalotas, 200ml de tona, o zume de 1/2 limón, 3 culleradas de ceboliño picado, 2 ovos, 50gr de fariña, sal e pementa moida.

Elaboración: Pelar as chalotas e picalas finiño. Misturar o aceite e a preve de soia, engadir as peitugas de pavo. Maceralas tapadas durante 1 hora (dandolle a volta duas veces). Cecer as uvas 3 minutos; escurrilas, pelalas e despepitalas. Reservar. Precalentar o forno a 100ºC. Entretanto, coceer o caldo co o cava e reducir a mitade. Engadir as uvas, a tona e cocer 15 minutos. Engadir o zume do limón eo ceboliño; manter quente. Escorrentar as peitugas e marcalas nunha parrilla; salpimentar. Mantelas quentes dentro do forno apagado. Escorrentar os cardos, pasalos por fariña e ovo. Doralos no aceite quente e escorrentar. Filetear o pavo, napar coa preve e servir co cardo e as uvas. Acompañalo de marmelada de viño branco lexitimo de Betanzos (Meigamoura)

FILLOAS CON MARMELADA DE OPORTO

Chega o Entroido e nós dende aquí queremos compartir con vos unha das nosas recetas.

Ingredientes : 1 oso salgado do espinazo do porco, Fariña, 2 ou 3 ovos, 3 litros de auga, unhas areiñas de sal, un anaco de touciño (so a graxa)

Elaboración: Deixar a remollo o oso de espinada a noite anterior para desalalo. Poñelo a cocer en auga quente a lume moderado así como 1 hora ata que a cor sexa turbia. Unha vez cocido retirar o so, colar o caldo e deixar enfriar. Xa frio vaise engadindo pouco a pouco a fariña, a que admita ata obter un líquido cremoso e sen grumos dun corpo semellante a tona liquida. Se engaden logo os ovos moi ben batidos misturando ben, se proba o liquido e se rectifica de sal se fora necesario e se deixa reposar uns 30 minutos. Antes de facer as filloas remexer novamente o líquido.

Elaboración das filloas: Trinchar cun garfo o touciño e untar o fondo da tixola quente. Verter un pouco de líquido cunha culler, movendo o tempo a tixola de modo que o liquido cubra todo o seu fondo. Deixase facer a lume suave tan só uns momentiño primeiro dese lado e logo daselles a volta con coidado collendoa pola beira axudandonos da punta dun garfo, e deixandola facer pola outra cara.

Quitalas da tixola e poñelas nun prato. renchelas de Marmelada de oporto Meigamoura e logo enrrolalas ou doblalas.

Para que estén mais gustosas depende o grosor das mesmas, canto mais finiñas estean maís sabedoras.

Tiramisú con marmelada de LICOR-CAFÉ MEIGAMOURA

Encántanos o Tiramisú. 

Xa sabedes esa sobremesa fría de orixe italiano, que se monta en capas  de nata, biscoitos, café, licor e chocolate...mmmm , irresistíbel!!!

Existen moitas versións desta receta... Pode facerse de moitas maneiras, con ovo, sen él, con froitas, distintos licores ou sen él... Ésta é a nosa proposta de Tiramisú, agardamos que vos agrade.

Precisamos:

 ♥ Biscoitos de Soletilla

 ♥ Unha cunca de café  

 ♥ Marmelada de licor café Meigamoura  

 ♥ 200 gr de queixo Mascarpone 

 ♥ Chocolate raiado 

 ♥ 500 gr de nata para montar.

 
 Primeiro móntase a nata

 cando esté montada se mestura co queixo Mascarpone e a marmelada de licor-café Meigamoura

 Tamén se mestura o café e a marmelada Meigamoura. Despóis, mollamos os biscoitos, un a un, co café e colócanse no recipiente cubrindo o fondo 

encima dos biscoitos bótase a mestura de nata e queixo por enriba

 e vólvese poñer unha capa de biscoitos bañados en café.

 Cubrimos de nata. 

 Ráiase o chocolate por enriba en forma de adorno.

 Ponse a arrefriar e ... Xa está!!!  

Servide e disfrutade 

 

Iogur Grego con Marmelada de licor café Meigamoura

E seguimos cas recetas d@s noso@s lector@s.
Nesta ocasión trátase dun almorzo orixinal, sá e boísimo... Qué delicia misturar un iogur grego ca marmelada de licor café Meigamoura... Mmmmm... Un pracer para os sentidos! Grazas Carmela por compartila experiencia.
Neste gris inverno pon un pouco de cor e sabor para comezar o día, con Marmeladas Meigamoura!
E a tí, se che ocurre algunha boa combinación ou receta cas nosas marmeladas?. Contanosla asiña, estamos agardando as vosas propostas.

Tostada con marmelada Meigamoura

E seguindo ca sección nova de "A vosa Cociña", incluimos este sinxelo, pero delicioso e saudábel almorzo feito por Carmela, que tivo a amabilidade de compartir con nós.
Grazas por colaborar nesta sección, Carmela!!!

Árbore navideño con marmelada de licor Meigamoura

Disfruta creando os teus mellores pratos cas marmeladas Meigamoura.

Mirade o que fixeron unhas amigas nosas coma postre navideño ca nosa marmelada de licor... Un exquisito árbore de mazá, piña, frambuesas e arandos, regado con marmelada de licor.

                                                    Creación: Teresa Moris

                                                     Foto: Alicia Longueira.

Convidámosvos a que experimentedes na cociña cas nosas marmeladas e que nos mandedes as vosas fotos para publicalas nunha nova sección do blog chamada:" a vosa cociña".

Ademáis de bonito, rico, mmmmmm!!!

Cordero asado e marmelada de viño Mencía Meigamoura

Xa estamos tod@s na cociña, preparando con moito agarimo os nosos mellores pratos, para compartilos ca xente que máis queremos.
Neste Nadal, Meigamoura invítavos a innovar un pouquiño e acompañar as vosas carnes cunha marmelada de viño Mencía Meigamoura, que seguro agradará e sorprenderá os vosos convidados.

Ou se o prefires, servirá coma entrante sobre unhas tostas de queixo.

Feliz Noiteboa!!!

BISCOITO CON CREMA DE CASTAÑAS E CASTAÑAS CARAMELIZADAS

Chegou o tempo das castañas, hum!! Qué ricas!!, cocidas, asadas, crúas, en crema, caramelizadas, marrón glacé, etc... 

Aquí en Galicia, temos unha festa especial pra elas, O MAGOSTO. Celébrase nos días comprendidos entre o 1 de novembro (día de Tódolos Santos) e o 11 de novembro (día de San Martiño) nesta festa non faltan as castañas asadas o lume, o viño novo e os chourizos. Tamén fanse colares con elas que chámase Zonchos, pero as castañas están cocidas.

A nós tráenos lembrazas da infancia, cando paseando pola rúa Real, nas tardes de outono e inverno chegábannos os arrecendos da súa asadura e íamos dereitiñas ó carrito das castañas a mercar  o cucurucho de castañas quentiñas. Qué boas estaban!

Hoxe, falaremos un pouquiño deste froito, tan antigo na nosa cultura e que ata a chegada da pataca utilizábase moito, xa que podíase ter almaceado en boas condicións, dende outubro ata marzo.

As castañas teñen poucas calorías e combínase moi ben co seu alto contido en fibra. Son ricas en minerais (manganeso, potasio, ferro, fósforo e baixo contido en sodio), grasas, hidratos de carbono, proteínas e vitamina C, E

Polo seu alto contido en fibra é un alimento moi axeitado contra o estreñemento.

Utilízanse tamén en dietas de adelgazamento, xa que exercen un efecto saciante. Algúns estudos atribuen propiedades antiinflamatorias e vasculares.

BISCOITO CON CREMA DE CASTAÑAS E CASTAÑAS CARAMELIZADAS

Compoñentes: 250 gr de fariña, 50 gr de manteiga, 75 gr azucre, 3 ovos, 1 sobre de levadura en po. Crema de castañas Meigamoura, Castañas caramelizadas Meigamoura.

Elaboración: Misturamos a fariña coa manteiga, as xemas dos ovos e o azucre. Noutra cunca bateremos as claras dos ovos a punto de neve. Engadimos o sobre de levadura á masa e remexemos. Logo, pouco a pouco, procurando que a masa colla aire, (poderemos utilizar unha espátula) engadimos a clara de ovo batida a punto de neve, ata que quede todo misturado. Colleremos un molde e untarémolo de manteiga e un pouco de fariña, darémoslle a volta para quitar a fariña sobrante e poñeremos  a masa nel. Coceremos no forno uns 20 minutos a 180º C e cando esté doradiño pincharemos cun coitelo e se sae limpo quitarémolo do forno.

Deixaremos que arrefríe un pouco, e logo, partirémolo pola mitade en sentido horizontal. Engadiremos entón, coa axuda dunha culler ou espátula a crema de castañas Meigamoura. De seguido colocaremos a outra capa de biscoito enriba e coa axuda dun saco de confeitar, faremos adornos coa crema de castañas. Engadiremos unhas castañas caramelizadas Meigamoura por riba para adorno. Non esquezades aproveitar o almíbar das castañas para botarlle por riba o biscoito, xa que o comelo deixa un regusto...

Se non queredes adornalo con crema de castañas por riba, podedes utilizar tona, chocolate, etc...

E bo proveito!