DURACION DUNHA CONSERVA

Tempo de conserva

Unha conserva caseira segura pode durar ata un ano, sempre que o envase se manteña pechado e se almacene en condicións, nas despensas a temperaturas de ambiente fresco (por baixo dos 25ºC-30º C). Ademais, unha vez aberto o envase, débese gardar no frigorífico e consumir preferentemente no prazo dunha semana.

Este tipo de productos, ben elaborados e envasados, poden conservarse durante un ano sen frío. 

As condicións de almacenaxe esixen temperaturas medias, sen superar os 30º C, e lugares onde o sol non incida directamente sobre o vidro. 

O tempo transcorrido entre proceso e proceso (limpeza, cociñado, envasado) deberá ser curto e recorrendo ao frigorífico sempre que sexa preciso.

Non esquezamos, que os productos en vinagre ou salmoira, non se usan na esterilización, xa que a calor elimina a vitamina E das verduras e dos aceites.

A mesma vitamina E é un excelente conservante. 

Xa rematando, moito coidado antes de abrir a conserva. 

Ter en conta:

• Desbotar aquelas que non leven data de envasado.
• Presenten algunha rotura ou fenda.
• A tapa avultada, é signo inequívoco de actividade bacteriana.

Normas para unha mellor conservación

• Distribuír o alimento aproveitando a capacidade do bote e deixar un espacio 1 cm. no borde superior.
• Eliminar as burbullas que se puideran formar dando pequenos golpes. Limpar o borde cun pano humedecido na auga quente e pechar o bote ao  baleiro.
• Esterilizar os botes cheos e pechados  para cos alimentos non se alteren con microorganismos.
• Se elabora marmelada, e esta contén menos do 70% de azucre, é preciso esterilizala nunha autoclave.
• Poñer etiquetas en cada tarro co nome do producto e data da preparación.
• Almacenalos nun lugar seco, fresco e escuro, sen apiñalos e evitando que se poidan  golpear entre eles.
• Lembrar que aínda  que as conservas ao baleiro duran anos, é mellor consumilas antes dos 12 meses dende a súa elaboración.

Lembrar

• As verduras conservadas ao natural. Débense escaldar na auga fervendo e logo mergullalas na auga moi fría para que endurezan, e evitar as temperaturas intermedias e o desenvolvemento de  microbios.
• As verduras que se van conservar preparadas. Engadiremos logo de cociñalas un pouco de vinagre, e preservarémolas da acción dos microbios. Logo envásanse en quente. Exemplo o pisto ou o prebe de tomate.
• Aceite.  É un illante que evita o contacto do alimento co aire. Pódese cociñar, salgar ou ferver co vinagre e despois meter o alimento no aceite. Convén compensar a  mingua que se producirá cando este empece  ser absorbido pola conserva.
• Salmoira. A cantidade  máxima de sal que admite un litro de auga e de 250 g, e o punto de ebulición elévase a 108ºC. As verduras  pódense conservar fervéndoas previamente na salmoira, ou escaldándoas  e envasándoas con ela.
• Vinagre. As verduras deben estar algo verdes para que, tras ser encurtidas, conserven unha textura triscante. As cebolas ou os cogombros pódense cocer directamente no vinagre. Os espárragos, débense cocer na auga. Despois cóbrense co vinagre, que estará concentrado por cocción e frío. Despois dunha semana de maceración e recomendable volver a ferver o vinagre e unha vez frío, devolvelo ao envase.
• Salsas. Para súa correcta conservación débense ferver sempre dúas veces. Envásanse en quente, nada máis retiralas do lume, e quentarse de novo. 
• Especias engádense moi moídas ou nunha bolsiña de tea que logo se poida retirar.
• Esterilización. Consiste fundamentalmente en someter ao alimento ao calor (a mais de 100ºC) durante un determinado tempo, illándoo do contacto co aire en nun recipiente hermeticamente pechado. A calor debe ser a partir de 100ºC que nos procedementos caseiros non se alcanza, aínda que a ola a presión ten temperaturas elevadas non é unha garantía absoluta.

Recomendacións

• Usar frascos pequenos (500 cc).
• Os tempos "mortos" entre paso e paso do proceso sexan curtos e transcorran no frigorífico.
• Non consumir productos coa tapa do envase avultada (significa presenza de microorganismos), nin con roturas nin fendas, como tampouco aqueles nos que se descoñeza a data de envasado.
• Evitar elaborar nin consumir conservas de orixe animal, xa que pola súa natureza son máis delicados de manipular, requirindo maiores controles no seu procesamento.
• Nas conservas de vexetais en aceite cru ou en vinagreta, non podemos usar a esterilización xa que a calor elimina a vitamina E propia do aceite, que lle confire a capacidade de conservante.
• Para estes casos, débense gardar no frigorífico e consumirse dentro dos 2 (dous) días seguintes a súa preparación.